你有無????

帶友人參觀我剛裝修完成的家居，友人看見我家門前有一個小空間，提議可作買賣之用(筆者住村屋)並謂：整左d野出黎實有人買架啦！心中有所感想，朋友的一句戲言可能包含大智慧，我們想把問題複雜化和退縮化，筆者第一時間想的是邊有人買丫，況且買乜鬼o者，但友人的想法正是典型香港精神，唔試過點知，船頭驚鬼船尾驚賊，乜都唔洗做啦，就算整件餅出黎買唔出洗咪自己食囉，試左可能又一番體驗，面對友人有時無可求藥的樂觀，凡事努力嘗試積極改進，深感佩服，其實我們面對股票市場一樣信念退縮化，由於市場未可知，我們這頭落完盤，那邊就自打嘴巴話邊有咁大隻蛤乸隨隨街跳架?呢隻股票真係得?會唔會瀨野架咁平，這種情況通常出於自己無認真做功課研究，一面通常就係頭先講既退縮化，比市場先生兇到或比佢昆到你，問題背後就是信念問題，信念與行動是互動的，也是相輔相乘的，我們拒絕銀行電訊那些cold call可以斬釘截鐵地收線基於我們清楚自己的立場和需要，但當面對利益時好多時是行動主導信念，先買貨後找資料支持，總是盼一朝買股發達，但總不認真研究，船頭驚鬼船尾驚賊，隨市場先生起舞......